بن هدلان

السلام عليكم ورحمة الله وبركاته

شالح بن حطاب بن هدلان القحطاني .... شاعر علم من مشاهير شعراء (( قبيلة قحطان ))

جمع الشعر والفروسية فكان يترجم أفعاله بشعره فخلده مواقفه التي عرفت بالبطولة والتضحية

والفداء وكان حكيما نافذ البصيرة يلجا إليه إفراد قبيلته واو القبائل الأخرى لحل مشاكلهم فيحتكمون

إليه لما عرف عنه من نزاهة وحياده فأصبح محط احترام قبيلته والقبائل الأخرى

ذكره الأمير / محمد السديري – رحمه الله – بكتابه (( أبطال من الصحراء ))

وقال : انه عاش حتى سنه 1340هــ تقريبا وقد كان له أخ يسمي بـــ (( الفديع((

يماثل أخاه (( شالح )) في كل شيء وكان يغامر بشجاعته إلى ابعد الحدود وقد

تحمل )) الفديع )) كل مشاكل الحياة عن أخيه شالح الذي يحبه ويعرف مكانته وفيه يقول شالح :

لا واخوي لي عقب فرقاه با ضيع كني بما يجري على العمر داري
اخوي يا ستر البني المفاريع ومطلق لسان اللي بهلها تماري
ولما توفى الفديع كما توقع شالح رثاه شالح برائعة منها هذه الأبيات :
واخوي ياللي يم قاره (خفا ) فات من عاد من عقبه بيستر خمالي
ليته كفاني سو بقعا ولامات وأنا كفيته سو قبر هيالي
وقد كان (( شالح بن هدلان ))حكيما بشعره بشكل قل أن يوجد له مثيل فقد كانت قصايد الفرسان
كلها تتجه الي الحرب والضرب والطعان أما شالح فله قصايد بالحكمة لاتقل عن قصايد بالحماس قوه
والملفت للنظر في شعر شالح انه يجمع بين الحماس والحكمة في قصيده واحده اوبيت واحد كقوله في هذه الأبيات :
أنا ليا كثرت الاشوار ماشير = والله ماتي واحدن مادعاني
أنا رفيقه بالليالي المعا سير = وألا ا لرخا كلن يسد بمكاني
من أشهر قصايد شالح بن هدلان تلك القصيدة التي لاتزال الناس يرددونها حتى الآن لما حوته من غرابه
في المعني وقوة بالتصوير والتعبير فقد رثى شالح ولده ( ذيب ) وهو على قيد الحياه بقوله :
ما ذكربه حي بكا حي يا ذيب واليوم أنا ببكيك لو كنت حيا
وهذي احد قصائد الشاعر / شالح بن هدلان القحطاني ::
أنا ليا كثرت الاشوار ماشير والله ماتي واحدن مادعاني
لامن وطيته قاعد رحت انا اسير شوره قداه وشوري اللي قداني
وانا جا حساس عند تالي المظاهير جيته على صفرا تلوك العناني
انا رفيقه بالليال المعاسير وألا الرخا كلن يسد بمكاني
شوري ليا هجب توالي المظاهير شلفا عليها رايب الدم قاني
شلفا معودها لجدع المشاهير يوم السبايا كنها الديد حاني
شلفا وريع من وساع المطايير يفرج بها لاحان راع الحصاني
ماني ب حداي الظعن كني الزير ولاني ب بياع الغتر مربحاني
ولاحط بيتي بين عوج الدواوير ولالود المنزل عريض البطاني
ماني بخيل مايعرف المعابير قدني على قطع الفرج مرجعاني
ان سندوا حدرت يم الجوافير وان حدروا سندت لمريغاني
ناخذ بخير ان المريبخ مسايير ومادبر المولى على البعد كاني
كما وجه الشاعر الفديع بن هدلان قصيده في أخيه شالح بن هدلان
يقول فيه :
يابو ذعار اكفيك لوني لحالي = واصبر على الدنيا وباقي تعبها
ان غم اخوه معشرين العيالي = انا اخويه سعد عينه عجبها
وان جن مثل مخزمات الجمالي = كم سابق تقزي وانا من سببها
كم خفرة قد حرمت للدلالي = لبست سواد عقب لذه طربها
وان جيت لي قفر من النشر خالي = يفرح بي الحواز يوم اقبل بها
أفديك يا شالح بحالي ومالي = يا فارس الفرسان مقدم عربها
يا متيه ابله بروس المفالي = ياللي حميت حدودها يا جنبها
وقال الفديع بن هدلان تلك الأبيات لأخيه فتأثر شالح بها وأجابه بهذه القصيدة :
لا واخوي لي عقب فرقاه با ضيع كني بما يجري على العمر داري
اخوي يا ستر البني المفاريع ومطلق لسان اللي بهلها تماري
ماقد يوم شد بين الفراريع يا كود مابين الكمي والمشاري
ليته عصاني مرة قال ماطيع كود اني اصبر يوم تجري الجواري
ا نا اشهد انه لي سريع المنافيع عبد مليك لي ولاني بشاري
تشهد عليه مناتلات المصاريع واعداه من كفه تشوف العزاوي
يمناه تنشر من دماهم قراطيع وعوق العديم اللي بدمه يثاري
جداع سفرين الوجيه المداريع مخلي سروج الخيل منهم عواري
القلب ما ينسى بعيد الناويع ليث على صيد المشاهير ضاري
وسلامتكم

تسلم الاياااااادى

على موضوعك الرااااائع